Злучанае Каралеўства ў Беларусі

Урад Вялікабрытаніі садзейнічае прасоўванню інтарэсаў і каштоўнасцей Вялікабрытаніі ў Беларусі. Мы працуем над наладжваннем зносін паміж ЕС і Беларуссю, такім чынам умацоўваючы палітыку бяспекі ў краінах, якія мяжуюць  з  ЕС.

• Мы падтрымліваем пазітыўныя змены ў Беларусі, у прыватнасці ў галіне абароны правоў чалавека і  эканамічных  рэформаў
• Мы наладжваем узаемавыгадныя сувязі паміж  нашымі урадамі і людзьмі у такіх абласцях як  інвестыцыі, культура, адукацыя, супрацоўніцтва ў ваеннай галіне, а таксама процідзейнасць  злачыннасці
• Мы прапануем дапамогу брытанскім грамадзянам, якім яна патрабуецца
• Мы дапамагаем ажыццяўляць легальную міграцыю з Беларусі ў Велікабрытанію, у той жа час супрацьдзейнічая гандлю людзьмі

Тут Вы можаце даведацца пра нашыя апошнія падзеі, візавую службу, а таксама дынамічную, разнастайную і крэатыўную Брытанію, якую мы рэпреэзентуем.

Вашыя водгукi пра наш новы ўэбсайт, а таксама прапановы, як зрабiць яго яшчэ лепшым, дасылайце, калi ласка, на нашую электронную скрынку. 

Мілібэнд піша пра Беларусь

З блогу Дэвіда Мілібэнда:

Сёння ўвечары зборная Англіі па футболу гуляе свой другі матч на гэтым тыдні супраць каманды з Усходняй Еўропы. Абедзве гэтыя каманды прадстаўляюць буйныя краіны, якія знаходзяцца паміж Расіяй на ўсходзе і краінамі Еўрасаюзу на захадзе. Аднак жа Беларусь і Ўкраіна пайшлі па вельмі розных шляхах пасля скону Савецкага Саюзу. У той час, як Україна – хоць і ня без пэўных цяжкасцяў –  зрабіла выбар накарысць дэмакратычных, эканамічных і сацыяльных рэформаў, Беларусь яшчэ не падпісалася пад тым, што мы прызнаем як еўрапейскія каштоўнасці.

Такім чынам, ёй патрэбны больш значны прагрэс у галіне палітычных рэформаў і эканамічнай лібералізацыі. Разам з тым, ужо ў наяўнасці пэўныя пазітыўныя знакі: напрыклад, у мінулым годзе беларускія ўлады вызвалілі апошніх трох палітвязняў. Гэта - важны сігнал, які сведчыў аб тым, што Беларусь мае намеры  аднавіць свае ўзаемаадносіны з Еўрасаюзам. ЕС вельмі жадае дапамагчы Беларусі ў ажыццяўленні эканамічных і палітычных зменаў: гэтай вясной Беларусь увайшла ў склад Усходняга Партнёрства, што дае магчымасць уздельнічаць у праектах па энергетычнай і пагранічнай бяспецы, па сацыяльнаму і эканамічнаму развіццю, а таксама па паляпшэньню ўзаемаадносін з суседзямі.

Беларусь - гэта краіна, якая ў мінулым перанесла шмат пакутаў – і найбольш яскрава пасля Чарнобыльскай катастрофы, – і чые людзі заслугоўваюць больш паспяховай і дэмакратычнай будучыні. ЕС з’яўляецца яе важным партнёрам у галіне рэформаў, які прапануе не якуюсці альтэрнатыву сувязям з іншымі суседзямі, але ж найбольш шырокую сетку падтрымкі.

АПОШНІЯ НАВІНЫ

У Беларусі і Вялікабрытаніі наперадзе шмат вельмі важнай працы
21 кастрычніка 2009
Наш Амбасадар Роўзмары Томас уручыла свае даверчыя лісты Прэзідэнту Беларусі.

Зборная юніерак Англіі стала пераможцай чэмпіяната
26 ліпеня 2009
25 ліпеня зборная Англіі атрымала перамогу над Швецыяй у фінальнай гульні чэмпіяната Еўропы сярод юніёрак да 19 год

• See all news