Брытанскі урад цвёрда ўпэўнены, што кожны грамадзянін мусіць карыстацца асноўнымі правамі чалавека – правамі і свабодамі нададзенымі кожнай асобе – у штодзённым жыцці.

Павага да правоў чалавека фарміруе аснову жыцця ў Злучаным Каралеўстве. Брытанскі ўрад, няўрадавыя і дабрачынныя  арганізацыі адыгрываюць надзвычай важную ролю ў прапагандаванні важнасці правоў чалавека ў свеце.  

Правы чалавека ў Вялікабрытаніі

Сацыяльныя, эканамічныя і палітычныя правы

Акт аб правах чалавека 1998 году пералічвае сацыяльныя, эканамічныя і палітычныя правы брытанскіх грамадзянаў, сярод іх:

• Абарона ад злачыннасці
• Свабода слова, веравызнання і палітычных перакананняў
• Абарона ад злоўжыванняў юрыдычнай сістэмы, такіх як арышт ці турэмнае зняволенне без суду
• Роўныя правы, якія гарантуюць адсутнасць дыскрымінацыі  
• Эканамічныя правы, такія як адукацыя і абарона ад скрайняй беднасці ці голаду.

Што гэта значыць у штодзенным жыцці?

Камісія па роўнасці і правах чалавека – гэта галоўны ўрадавы орган, адказны за ажыццяўленне каштоўнасцяў, паданых у Акце аб правах чалавека 1998 года, але іншыя дзяржаўныя установы таксама адыгрываюць істотныя ролі. Акт аб правах чалавека 1998 года ўплывае на шэраг галінаў штодзеннага жыцця, такіх як:

• Расавая дыскрымінацыя
• Узроставаня дыскрымінацыя
• Рэлігія і веравызнанне
• Абарона людзей ад дыскрымінацыі па інваліднасці  
• Полавая дыскрымінацыя  
• Сэксуальная арыентацыя

Акт не змяшчае выбарчае права і правядзенне парламенцкіх і іншых выбараў. Яны рэгламентуюцца іншымі законамі і працай Выбарчай камісіі, адказнай за забеспячэнне грамадзкай упэўненасці ў надзейнасці дэмакратычных працэсаў у Злучаным Каралеўстве.  

Палітычны прытулак

Злучанае Каралеўства дае палітычны прытулак сотням, і часам тысячам чалавек, якіх пераследуюць на іх радзіме. Вы можаце знайсці інфармацыю пра палітыку Вялікабрытаніі ў дачыненні да тых, хто шукае палітычнага прытулку на старонцы Памежнага Агенцтва.

Злучанае Каралеўства дае прытулак людзям з усяго свету, улучна Cудан, Зімбабвэ і Афганістан. Нядаўна было таксама абвешчана, што іракскія перакладчыкі, якія працавалі з брытанскай арміяй напрацягу больш чым 12 месяцаў могуць падаваць заявы на палітычны прытулак у Злучаным Каралеўстве.   

Спрыянне правам чалавека за мяжой

Правы чалавека у замежнай палітыцы Злучанага Каралеўства

"Мы імкнемся пабудаваць свет, у якім квітнеюць свабода, справядлівасць і мачымасці, у якім урады падсправаздачныя людзям, абараняючы іх правы і гарантуючы ім бяспеку і асноўныя патрэбы." - сказаў Міністр Замежных спраў Вялікабрытаніі Джэк Стро ў 2006 годзе.

Правы чалавека заўжды знаходзяцца ў парадку дня брытанскай замежнай палітыкі. Міністэрства замежных спраў і спраў Супольнасці (FCO) працуе ў розных краінах свету дзеля ўмацавання такіх каштоўнасцяў як правы чалавека, грамадзянскія свабоды і дэмакратыя.

Вы можаце даведацца больш пра падыход да правоў чалавека і чаму яны знаходзяцца ў цэнтры брытанскай палітыкі на старонцы FCO. Асноўныя пытанні, на якіх канцэнтруецца брытанскі ўрад наступныя:

• Правы дзіцяці
• Смяротнае пакаранне
• Роўнасць  
• Свабода слова
• Пол
• Свабода веравызнання
• Прымусовы шлюб
• Катаванні.  

Злучанае Каралеўства зьяўляецца ключавым удзельнікам міжнародных арганізацыяў, такіх як Арганізацыя Аб’яднаных Нацыяў, Еўрапейскі Звяз і Брытанская Супольнасць, якія таксама прапагандуюць павагу да правоў чалавека ва ўсім свеце.

Дабрачынныя і няўрадавыя арганізацыі

Брытанскія дабрачынныя і няўрадавыя арганізацыі адыгрываюць ключавыя ролі ў спрыянні абароне правоў чалавека за мяжой:

Міжнародная Амністыя (Amnesty International) - гэта няўрадавая арганізацыя, якая праводзіць кампаніі за абарону правоў чалавека ва ўсім свеце. 

Каталіцкае Агенцтва Развіцця Замежжа (CAFOD) займаецца пошукам фінансавання для падтрымкі устойлівага развіцця, інфармавання грамадзкасці пра прычыны беднасці і падтрымкі сацыяльнай справядлівасці ў рэгіёнах, што пакутуюць ад нястачы.    

Oxfam надае асноўную увагу пытанням, што маюць жыццевае значанне для дапамогі бедным.

Сусветная Хрысціянская Салідарнасць (Christian Solidarity Worldwide) – праваабарончая арганізацыя, якая спецыялізуецца на свабодзе веравызнанняў.

JUSTICE – Брытанскае аддзяленне Міжнароднай Камісіі Юрыстаў – працуе каб палепшыць юрыдычную сістэму і якасць юстыцыі.

Liberty імкнецца абараніць асноўныя правы і свабоды праз суды, у Парламенце і шырокім грамадзтве.

Save the Children (Ратаванне Дзяцей) змагаецца за дзяцей, што пакутуюць ад нястачы, хваробаў, несправядлівасці і гвалту.

Вы можаце даведацца пра праекты BBC World Service Trust у галiнах адказнага кiравання i правоў чалавека, што ажыццяўляюцца ў розных кутках свету.  

Стратэгічны Праграмны Фонд

Стратэгічны Праграмны Фонд Брытанскага МЗС падтрымлівае праекты, скіраваныя на спрыянне прагрэсу ва ўмацаванні правоў чалавека, інтытутаў і інструментаў; удасканаленне крымінальнай юстыцыі; свабоду слова; правы дзіцяці; скасаванне смяротнага пакарання.

Больш пра існуючыя праекты можна даведацца на старонцы FCO.