Еўрапейская Камісія, Брусэль

Еўропа паводле плошчы зьяўляецца другім найменшым кантынентам свету, але яе насельніцтва -710,000,000 ставіць яе на трэцяе месца па велічыні пасля Азіі іАфрыкі. З 48 краінаў Еўропы па плошчы і колькасці насельніцтва найбуйнейшая Расія, а найменшая дзяржава – Горад Ватыкан. 

Еўрапейскі Саюз

Ў 2008 годзе двайццаць сем з 48 еўрапейскіх краінаў уваходзяць у Еўрапейскі Саюз, заснаваны ў 1957 годзе, калі шэсць краінаў Еўропы аб’ядналіся ў Еўрапейскую Эканамічную Супольнасць.

У 1999 годзе ў ЕС была ўведзеная адзіная валюта, Еўра, якая сталася афіцыйнай у 13 краінах. Ен таксама адыгрымвае значную ролю ў міжнароднай палітыцы, юстыцыі і ўнутраных справах краінаў.

Больш пра гісторыю Еўрасаюзу і як працуе ЕС можна прачытаць на старонцы Міністэрства Замежных Спраў і Спраў Супольнасці (FCO).

Пагадненне аб Рэформе ЕС

Еўрасаюз праходзіць працэс ратыфікацыі Пагаднення аб Рэформе ЕС, які быў прыняты пасля няўдачы Еўрапейскай Канстытуцыі ў 2005 годзе.

Новае Пагадненне было прынятае еўрапейскімі лідэрамі 13 снежня 2007 году, і зараз парламент кожнае краіны мусіць яго ратыфікаваць.

Больш пра Пагаднення аб Рэформе ЕС даведайцеся на старонцы Міністэрства Замежных Спраў.

Краніны кандыдаты

Перамовы аб уступленні ў Еўрасаюз зараз працягваюцца з шэрагам краінаў, уключаючы Турцыю, Харватыю і былую Югаслаўскую Рэспубліку Македонію.

Каб стаць чальцом Еўрапейскага Саюзу краіна мусіць выканаць пэўныя эканамічныя і палітычныя ўмовы. Асноўныя патрабаванні – дэмакратычная, свецкая сістэма кіравання, адпаведныя свабоды і інстытуты, а таксама вяршыньства закону.

Пашырэнне ЕС магчыма залежыць ад згоды кожнай краіны-чальца і рашэння Еўрапейскага Парламенту.

Асноўныя інстытуты ЕС

У Еўрапейскім Саюзе функцыянуе шэраг інстытутаў – уключаючы Еўрапейскую Камісію, Еўрапейскі Парламент і Еўрапейскі Суд Спавядлівасці – закліканых запэўніць, што:

ЕС мае адзіны ўзгоднены парадак дня

Ен эфектыўна працуе для дасягнення ўзгодненых мэтаў

Ен паважае жаданні і інтарэсы сваіх грамадзянаў.

Больш пра тое, як працуе ЕС можна прачытаць на сайце Міністэрства Замежных Спраў.

Вы таксама можаце наведаць старонку Еўракамісіі на YouTube.

Краіны па-за межамі ЕС

Шэраг Еўрапейскіх краінаў не ўваходзіць у склад ЕС. Краіны – чальцы Еўрапейскай Асацыяцыі Свабоднага Гандлю (EFTA) могуць удзельнічаць у Еўрапейскай Эканамічнай Прасторы без далучэння да ЕС.